Adəm Abbaslı/AZADİNFORM. Müğənni Rüfət Axundov avqust ayından etibarən yeni telelayihədə iştirak edəcək. Bu barədə “Azadinform”un müxbirinə məlumat verən müğənni eyni zamanda, yeni mahnılardan ibarət albomunun yaxın günlərdə işıq üzü görəcəyindən və yeni kliplərinin tamaşaçılara təqdim olunacağından da danışıb.

Xədicə/AZADINFORM. Yaxın günlərdə Bolqarıstanda keçiriləcək «Best Model of World»da təmsil olunacaq azərbaycanlı model Günay Musayeva müsabiqədən qalib kimi ayrılacağına ümid edir.

Xədicə/AZADİNFORM. Gənc müğənni Xəyyam Nisanovun növbəti konserti Nyu-Yorkda təşkil ediləcək. Yayın ilk həftələrinə planlaşdırılan musiqili proqram orada yaşayan azərbaycanlılar üçün nəzərdə tutulub.

Xədicə/AZADİNFORM. Sonuncu dəfə ANS telekanalında yayımlanan «Toylar kralı» verilişindən mübahisə üstündə ayrılan şoumen-müğənni Kamran Həsənli yeni layihəsi ilə başqa kanalda çıxış edəcək.

Xədicə/AZADİNFORM. Xalq artisti Aygün Kazımovanın son görüntüləri hamını təəccübləndirir. Kifayət qədər çəki azaldan, üz cizgilərinə plastik cərrahiyyə yolu ilə əl gəzdirən müğənni 15-20 il əvvəlki Aygün Kazımovanı xatırladır. Müğənni yenidən imic dəyişikliyi edir. “Azadinform”un məlumatına görə, o, «Stilin 3 epoxası» layihəsində iştirak edir.  Layihəyə görə, müğənni 3 epoxa – 80, 90 və 2000-ci illərin stilinə uyğunlaşdırılır.

Adəm Abbaslı/AZADİNFORM. Azərbaycan mədəniyyətinə, Azərbaycan incəsənətinə təcavüz sovet dövründən ermənilərin əsas gündəliyində duran bir məsələ olub. Bunun qarşısını almaq üçün Azərbaycana məxsus nümunələrin Vətənə qaytarılması nazirliyin prioritetidir. “Azadinform” xəbər verir ki, bunu mədəniyyət və turizm naziri Əbülfəs Qarayev Muzey Mərkəzində keçirilən toplantıda deyib.

Adəm Abbaslı/AZADİNFORM. Avstriyanın “Ebensee” əsir düşərgəsində faşizmin qurbanı olmuş soydaşlarımızın xatirəsinə abidə ucaldılıb. Abidənin rəsmi açılışı sabah keçiriləcək.

Xədicə/AZADİNFORM. Müğənni Ayaz Qasımov repertuarını təzələyir. O, bura həm duet, həm də yeni bəstəkar mahnıları daxil edir. Onun “Azadinform”a bildirdiyinə görə, duet mahnılar onun yaradıcılığında geniş yer almır. Bu səbəbdən də o, oxuyacağı dueti yenilik  hesab edir.

Günel Əbilova/AZADİNFORM. “Kişilər üçün yaratdığım ətrin istehsalı son mərhələdədir”. Bu sözləri  “Azadinform”a müsahibəsində Əməkdar incəsənət xadimi, modelyer Fəxriyyə Xələfova deyib.

Adəm Abbaslı/AZADİNFORM. Mayın 6-da M.F.Axundov adına Azərbaycan Milli Kitabxanasında 2011-ci il üzrə “Qızıl Kəlmə” Ədəbi Mükafatının təltifolunma mərasimi keçiriləcək.

AZADİNFORM. İsveçrə Milli Kitabxanasının direktoru Mari-Kristin Doffininin Azərbaycana səfəri gözlənilir. “Azadinform” xəbər verir ki, İsveçrədə səfərdə olan Milli Kitabxananın direktoru Kərim Tahirov səfərlə bağlı xanım  Doffiyə dəvət məktubu verib. 

AZADİNFORM. Azərbaycan Milli Kitabxanasının direktoru Kərim Tahirov İsveçrədə rəsmi səfərdədir. Səfər çərçivəsində M.F.Axundov adına Azərbaycan Milli Kitabxanası ilə İsveçrə Milli Kitabxanası arasında qarşılıqlı əməkdaşlıq haqqında Memorandum imzalanıb.

AZADİNFORM. Mayın 10-u Heydər Əliyev adına Sarayın qarşısında gül bayramı təşkil ediləcək. Bakı Şəhər İcra Hakimiyyətindən “Azadinform”a verilən məlumata görə, ümummilli liderin  anadan olmasının 88-ci ildönümənə həsr ediləcək gül bayramı saat 11:00-dan 19:00-a-dək  Heydər Əliyev Parkında olacaq. 

Xədicə/AZADİNFORM. «Eurovision»un builki milli seçim turlarından yarımfinala qədər gəlib çatan Xalq artisti Aygün Kazımovanın qızı İlqarə İbrahimova ən böyük dəstəyi məhz anasından görmüşdü. Aygün Kazımova “Azadinform”a bildirib ki, yaradıcılığı dövründə özünə qızı qədər həyəcan keçirməyib.

Xədicə/AZADİNFORM. Azərbaycanın “Eurovision-2011” təmsilçiləri - Eldar və Nigar Düsseldorfdakı “Euroklub”da Türkiyə nümayəndə heyətinin rəsmi tədbirində çıxış edib.

Adəm Abbaslı/AZADİNFORM. Mayın 7-8-i tarixlərində ABŞ-ın Hyuston şəhərində İpək Yoluna həsr olunacaq Hyuston Beynəlxalq Festivalı keçiriləcək. Festival çərçivəsində təşkil olunacaq tədbirlərdə İpək Yolu ölkələri və Hyustonla qardaşlaşmış şəhərlərlə yanaşı, ölkəmizin rəsmi heyət və ifaçı qruplarından ibarət nümayəndə heyətinin də iştirakı nəzərdə tutulur.

Adəm Abbaslı/AZADİNFORM. Bir müddət əvvəl Sankt-Peterburqdakı “Puşkinskiy dom” Rus Ədəbiyyatı İnstitutunda Azərbaycan musiqi folkloru nümunələrinin (səs yazılarının) və həmin materiallara aid yazılı sənədlərin saxlanıldığı müəyyən edilmişdir. Keçən əsrin 20-30-cu illərində keçirilmiş ekspedisiyalar zamanı toplanmış bir sıra muğam, aşıq musiqisi, digər Azərbaycan folkloru nümunələri erməni xalq musiqisi kimi qeydə alınmışdır. Mədəniyyət və Turizm Nazirliyindən “Azadinform”a verilən məlumata görə, nazirliyin Rusiya tərəfi ilə apardığı danışıqlar nəticəsində sözügedən materiallar rəqəmsal daşıyıcılara köçürülərək Vətənə qaytarılıb.

Mübariz Aslanov/AZADİNFORM. Azərbaycanda muğam sənətinin qorunması üçün ayrıca Dövlət Proqramı qəbul ediləcək. “Azadinform” xəbər verir ki, bununla bağlı Milli Məclisdə hazırlanan “Azərbaycanda muğam sənətinin qorunması və inkişaf etdirilməsi haqqında” yeni Qanun layihəsində nəzərdə tutulub.

Adəm Abbaslı/AZADİNFORM. Bu gün H.Sarabski adına Mədəniyyət Evi Nəsimi rayon İcra Hakimiyyəti ilə birgə Gül Bayramı ilə əlaqədar konsert proqramı təşkil edəcək. Bu barədə məlumatı “Azadinform”a Mədəniyyət və Turizm İdarəsindən veriblər.

AZADİNFORM.  Bəstəkarlar İttifaqı II Beynəlxalq İpək Yolu Festivalına hazırlıq işlərinə başlayıb. İttifaqın sədri Firəngiz Əlizadə bildirib ki, 1-ci festivaldan fərqli olaraq, 2-ci Beynəlxalq İpək Yolu Festivalı çərçivəsində olan tədbirlər Bakı və Gəncə şəhərlərində keçiriləcək.

 
Страница 230 из 235 << < 226 227 228 229 230 231 232 233 234 > >>
 Лента новостей
24.05.2018
23.05.2018
22.05.2018
 Архив
«Май.2018
Пн.Вт.Ср.Чт.Пт.Сб.Вс.
 123456
78910111213
14151617181920
21222324252627
28293031   
 
© 2018 All right reserved www.azadinform.az Powered by Danneo