Həbibə/AZADİNFORM. İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin Bakı şəhəri, Binəqədi rayonu, Binəqədi qəsəbəsi, 4-cü Mədən küçəsi, 276-cı məhəllədə “Budad LTD”-yə məxsus sexdə aparılan yoxlama zamanı “Budad” kvas içkisinin müvafiq reseptura və texnoloji təlimat olmadan istehsal edildiyi aşkarlanıb.

Həbibə/AZADİNFORM. Kənd təsərrüfatı naziri İsmət Abbasovun rəhbərliyi ilə Azərbaycanın nümayəndə heyəti 25 iyun - 2 iyul 2011-ci il tarixlərində BMT-nin Ərzaq və Kənd Təsərrüfatı Təşkilatının  (FAO) Baş Qərargahında  FAO konfransının 37-ci sessiyasında iştirak etmək üçün Roma şəhərində rəsmi səfərdədir.

AZADİNFORM. ARDNŞ prezidenti Rövnəq Abdullayev və şirkət rəhbərliyinin nümayəndələri Neft Daşlarına səfər ediblər. Dövlət Neft Şirkətindən “Azadinform”a verilən məlumata görə, səfərdə ARDNŞ rəhbərliyini “Azneft” İstehsalat Birliyi və şirkətin digər idarə və müəssisələrinin başçıları müşayiət ediblər.

Həbibə/AZADİNFORM. Milyarder Corc Soros hər hansı üzv ölkələrdən birinin Avrozonadan çıxacağını “praktiki labüd” hesab edir və blokun liderlərini Avropa İttifaqını gözlənilən iqtisadi böhrandan xilas edəcək “B planı” işləyib hazırlamağa çağırır. “Azadinform” “Bloomberg” agentliyinə istinadən xəbər verir ki, Soros Avrozonadakı daha zəif ölkələrin blokdan çıxacağına imkan verən mexanizm işləyib hazırlanması labüdlüyünü də dilə gətirib.

Həbibə/AZADİNFORM. Vergilər Nazirliyi iyun ayının 21-dən 24-dək respublika ərazisində fəaliyyət göstərən bələdiyyələrin vergi əməkdaşları ilə görüşlər keçirib. “Azadinform” nazirliyin mətbuat xidmətinə istinadən bildirir ki, bu görüşlər vergilər nazirinin müvafiq əmri əsasında Ərazi Vergilər İdarələrinin əhatə dairəsində olan şəhərlərdə, o cümlədən Sumqayıt, Şamaxı, Şirvan, Cəlilabad, Beyləqan, Göyçay, Qəbələ, Yevlax, Gəncə, Zaqatala, Quba və Şəmkirdə təşkil edilib.

Həbibə/AZADİNFORM. Cari ilin 5 ayında Şəki elektrik şəbəkəsi (EŞ) üzrə 48,9 milyon kilovatsaatdan artıq elektrik enerjisi istehlak edilib. “Azadinform” “Azərenerji” ASC-nin mətbuat xidmətinə istinadən bildirir ki, hesabat dövründə ümumi ödəniş 79 faizdən çox olub. Ötən ilin müvafiq dövrü ilə müqayisədə ödənişdə mütləq artım 4 faizə yaxın olub.

Həbibə/AZADİNFORM. İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti regionlarda istehlakçıların maarifləndirilməsi istiqamətində tədbirlər keçirir. “Azadinform” xidmətin rəsmi internet saytına istinadən bildirir ki, növbəti belə tədbir bu gün Qəbələ şəhərində keçirilib.

Həbibə/AZADİNFORM. Türkmənistanın paytaxtı Aşqabadda nəqliyyat nazirlərinin 8-ci iclası keçiriləcək. “Azadinform” Nəqliyyat Nazirliyinin mətbuat xidmətinə istinadən bildirir ki, tədbirdə Nəqliyyat Nazirliyini nazir müavini Musa Pənahovun rəhbərlik etdiyi nümayəndə heyəti təmsil edəcək. İclas 28-29 iyun tarixlərində İqtisadi Əməkdaşlıq Təşkilatı (İƏT) üzv ölkələrinin nəqliyyat nazirlərinin iştirakı ilə baş tutacaq.

Həbibə/AZADİNFORM. Asiya İnkişaf Bankı Azərbaycanla bağlı “Ölkə üzrə Əməliyyatlara dair 2011-2013-cü illər üçün Biznes-Plan”ı təsdiq edib. “Azadinform” qurumun mətbuat xidmətinə istinadən xəbər verir ki, növbəti ildə ölkə üzrə yeni tərəfdaşlıq strategiyasının hazırlanması planlaşdırılır.

Mübariz Aslanov/AZADİNFORM. Bu gün Azərbaycan parlamenti ölkənin “Azər-Çıraq-Günəşli” neft-qaz yataqları blokunda 1994-cü ildə imzalanan kəşfiyyat, işlənmə və pay bölgüsünə dair müqaviləyə birinci əlavənin təsdiqlənməsinə icazə haqqında qanunu qəbul edib. “Azadinform” xəbər verir ki, layihədə ARDNŞ-nin iştirak payının artırılmasını nəzərdə tutur.

Həbibə/AZADİNFORM. Vergi və dövlət rüsumlarının elektron ödənişi sistemi bu ilin dekabrından fəaliyyətə başlayacaq. “Azadinform”un məlumatına görə, bu barədə dövlət orqanlarında elektron xidmətlərin genişləndirilməsi ilə əlaqədar Vergilər Nazirliyi Kollegiyasının təsdiqlədiyi tədbirlər planında göstərilib.

Həbibə/AZADİNFORM. Gələn aydan İnternet Vergi İdarəsi vasitəsi ilə vətəndaşların müraciətlərinin qəbulu və bu barədə bildirişin, eyni zamanda hazırlanmış cavabın təqdim olunması elektron şəkildə həyata keçiriləcək.

Həbibə/AZADİNFORM. Vergi borcunu ödəyə bilməyən vətəndaşların bank hesablarına sərəncam qoyulacaq. “Azadinform” bu barədə dövlət orqanlarında elektron xidmətlərin genişləndirilməsi ilə əlaqədar Vergilər Nazirliyi Kollegiyasının təsdiqlədiyi tədbirlər planına istinadən bildirir.

Həbibə/AZADİNFORM. Vergilər Nazirliyinin kollegiyası “Dövlət orqanlarının elektron xidmətlər göstərməsinin təşkili sahəsində bəzi tədbirlər haqqında” prezident fərmanının icrası ilə əlaqədar tədbirlər planını təsdiq edib. “Azadinform” nazirliyin mətbuat xidmətinə istinadən bildirir ki, tədbirlər planı 5 bənddən ibarətdir.

Həbibə/AZADİNFORM. Cari ilin son üç ayı ərzində 110 kV-lik “Xaçmaz” yarımstansiyasında 1 saylı 25 MVA-lıq, 2 saylı 16 MVA-lıq transformatorların və eyni gərginlikli IV “Xaçmaz” hava elektrik verilişi xəttinin (HEVX) yağ açarları müasir tipli eleqaz açarlarla əvəz olunub.

Həbibə/AZADİNFORM. İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən aparılan monitorinqlər zamanı böyük həcmdə keyfiyyətsiz sərinləşdirici içki aşkarlanıb.

Həbibə/AZADİNFORM. Avqust ayında Avropada Ərzaq Təhlükəsizliyi uğrunda Nieleni Forumu keçiriləcək.

Həbibə/AZADİNFORM. ARDNŞ öz idarə və müəssisələrində çalışan neftçilərin istirahətini təşkil edir. “Azadinform” şirkətin mətbuat xidmətinə istinadən xəbər verir ki, bu məqsədlə iyunun 30-dan etibarən Balakən rayonunda yerləşən “Qubek Hotel” İstirahət Mərkəzi fəaliyyətə başlayacaq. İstirahət Mərkəzində gün ərzində kollektiv və ailəvi şəkildə 70 nəfərin istirahəti nəzərdə tutulub.

Həbibə/AZADİNFORM. Dövlət Neft Şirkətində (ARDNŞ) “Azəri-Çıraq-Günəşli” yataqlar blokunda və “Şahdəniz” yatağında məşəldə yandırılan səmt qazının idarə edilməsinə həsr olunmuş görüş keçirilib.

Həbibə/AZADİNFORM. İstehlak edilmiş elektrik enerjisinin dəyərinin ödəbilməsində artım qeydə alınıb. “Azadinform” Azərenerji” ASC-nin mətbuat xidmətinə istinadən bildirir ki, cari ilin 5 ayı ərzində Ağcabədi elektrik şəbəkəsində 96,2 milyon kilovatsaata yaxın elektrik enerjisi istehlak edilib.

 
Страница 503 из 525 << < 499 500 501 502 503 504 505 506 507 > >>
 Лента новостей
20.07.2018
18.07.2018
 Архив
«Июл.2018
Пн.Вт.Ср.Чт.Пт.Сб.Вс.
      1
2345678
9101112131415
16171819202122
23242526272829
3031     
 
© 2018 All right reserved www.azadinform.az Powered by Danneo