Həbibə/AZADİNFORM. İqtisadi Tədqiqatlar Mərkəzinin (İTM) İdarə Heyətinin sədri Qubad İbadoğlu Avropa Yerli Demokratiya İnstitutları Asossiasiyasının (ALDA) iyulun 8-də Polşanın Budqoş şəhərində keçirilən qurultayında iştirak edir.


Aytən İmanova/AZADİNFORM. Əmək və Əhalinin Sosial Müdafiəsi Nazirliyi bu il də yay mövsümündə 500-dən çox əlil vətəndaşın dövlət hesabına Nabranda istirahətini təşkil edib. Bu barədə “Azadinform”-a nazirliyin mətbuat xidmətindən məlumat verilib.


Mübariz Aslanov/AZADİNFORM. Müsavat Partiyası Ali Məclisinin keçmiş sədri Sülhəddin Əkbər Avroatlantik Şura adlı müstəqil təşkilat yaradır. Bu barədə məlumatı “Azadinform”a Sülhəddin Əkbər özü verib.

Mübariz Aslanov/AZADİNFORM. Tələbə Qəbulu üzrə Dövlət Komissiyası (TQDK) ümumi orta təhsil bazasında orta ixtisas məktəblərinə qəbul olmaq istəyən abituriyentlər üçün yeni vəsait nəşr edib.

AZADİNFORM. BMT-nin yeni tədqiqatına görə, dünyanın işləyən qadınlarının yarısı təhlükəli işlərə cəlb olunur, əmək qanunlarından müdafiəsiz qalırlar. «Azadinform» RİA «Novosti»yə istinadən xəbər verir ki, 600 milyona yaxın qadın ailə zorakılığının cinayət sayılmadığı ölkələrdə yaşayır. Yalnız 28 ölkədə parlamentin azı 30 faizi qadınlardan ibarətdir. Bu, tədqiqatın nəticələrinin bir hissəsidir.
Qeyd olunub ki, Qırğızıstan və Pakistan qadınlara hüququ yardım təklif edən ölkələr sırasındadır.

Mübariz Aslanov/AZADİNFORM. Tələbə Qəbulu üzrə Dövlət Komissiyası (TQDK) ali təhsil müəssisələrinin ixtisaslarını seçmək hüququ qazanan abituriyentlərə kömək məqsədi ilə “Abituriyent” jurnalının xüsusi buraxılışında “İxtisas seçimi zamanı nələrə diqqət yetirməli” adlı vəsait nəşr edib. Bu barədə məlumatı “Azadinform”a TQDK-nın mətbuat xidmətindən veriblər.

Mübariz Aslanov/AZADİNFORM. Azərbaycanda fiziki mühafizə ilə yanaşı, rabitə sistemində texniki təhlükəsizliyin təmin edilməsi məqsədilə mühafizə siqnalizasiya qurğusu quraşdırılıb. Bu barədə “Azadinform”a Rabitə və İnformasiya Texnologiyaları Nazirliyinin mətbuat katibi Müşfiq Əmirov verib.

Həbibə/AZADİNFORM. Son zamanlar özünü “Azərsu” Açıq Səhmdar Cəmiyyətinin müfəttişi kimi təqdim edən, eləcə də vaxtilə “Azərsu” ASC-də işləmiş və sonradan işdən çıxmış bəzi şəxslər mənzillərə gedərək vətəndaşlardan su və kanalizasiya xidmətlərinin, həmçinin cərimə aktlarının yazılmaması müqabilində nağd pul tələb edirlər.

Aytən İmanova/AZADİNFORM. İyulun sonuna kimi pensiyaçıların 90%-nə dair məlumatların Mərkəzi Aparatın bazası ilə tutuşdurulması başa çatacaq. “Azadinform” xəbər verir ki, bu barədə Dövlət Sosial Müdafiə Fondunun sədri Səlim Müslümov deyib.

Aytən/AZADİNFORM. DSMF Azərbaycanın pensiya - sığorta sisteminin uzunmüddətli inkişaf modelinin hazırlanması layihəsi üzrə tender elan edib.

AZADİNFORM. Türkiyədə naməlum şəxslərdən ibarət qrup İstanbulun Kadık bölgəsində dincələn turistlərə hücum edib. Daha çox «barlar küçəsi» kimi tanınan həmin ərazidə baş verən insident zamanı onlarla insan bıçaq zərbəsi alıb.

Həbibə/AZADİNFORM. “Azərbaycan Turizm Assosiasiyası (AZTA) “Eurovision-2012” ilə bağlı təkliflərini hazırlayıb təqdim edib. Əgər bu təkliflər nəzərə alınarsa, onların reallaşmasında da yaxından iştirak etməyə hazırıq”. Bunu “Azadinform”a açıqlamasında AZTA sədrinin müşaviri Müzəffər Ağakərimov deyib. Onun sözlərinə görə, hələlik təkliflərə reaksiya verilməyib.


Həbibə/AZADİNFORM. Akim Abbasov və Ələsgər Ələkbərov küçələrinin kəsişməsində 350 mm diametrli xətdə baş vermiş qəza ilə əlaqədar Yasamal rayonunun bəzi ərazilərinə içməli suyun verilişində məhdudiyyətlər yaranıb.

AZADİNFORM. BMT dünya əhalisinin sürətlə artmasına görə fermerlərin ərzaq istehsalını ikiqat artırmasının vacibliyinə dair xəbərdarlıq edib. «Azadinform» RİA «Novosti»yə istinadən xəbər verir ki, BMT-nin bu gün açıqlanan Dünya İqtisadi və Sosial Sorğusuna görə, 9 milyard insanı ərzaqla təmin etmək üçün qlobal ərzaq istehsalı 2050-ci ilədək 70-lə 100 faiz arasında artmalıdır.

Atif Eyvazov/AZADİNFORM. DİN Baş Dövlət Yol Polis İdarəsi Yol Patrul Xidməti Alayının yol patrul xidməti inspektoru (sıravi və kiçik rəis heyəti) vəzifələrində xidmətə qəbulla əlaqədar müsabiqə elan edir.

Mübariz Aslanov/AZADİNFORM. Hazırda fiziki şəxslər tərəfindən kiçik təyyarə və helikopterlərdən istifadəsi məsələsi Nazirlər Kabinetində müzakirə olunur. “Azadinform” xəbər verir ki, bu barədə Azərbaycan Dövlət Mülki Aviasiya Administrasiyasının (ADMAA) direktoru Arif Məmmədov bildirib.

Adəm Abbaslı/AZADİNFORM. İyulun 11-də Ölkəmizdə arxeoloji turizmin inkişafı perspektivlərinin müzakirəsi üçün seminar keçiriləcək. “Azadinform”un məlumatına görə, bu məqsədlə Milan Politexnik Universitetinin professoru Luici Scrinzi Azərbaycan Turizm Universitetində keçiriləcək "Azərbaycanda arxeoloji turizmin inkişafında beynəlxalq təcrübə" adlı seminarda iştirak etmək üçün Bakıya səfər edəcək.

Həbibə/AZADİNFORM. Bu yay mövsümündə Azərbaycanda turizm xidmətlərinin qiymətləri 15 faiz aşağı düşüb. “Azadinform” Bakı Şəhər Mədəniyyət və Turizm İdarəsinə istinadən bildirir ki, bu barədə Məlumatı Mədəniyyət və Turizm Nazirliyinin turizm şöbəsinin müdiri Aydın İsmiyev məlumat verib. Onun sözlərinə görə, Azərbaycanda turizm xidmətlərinin vəziyyətini öyrənmək məqsədilə Mədəniyyət və Turizm Nazirliyi regionlarda monitorinqlərə başlayıb.

 

Həbibə/AZADİNFORM. İqtisadi Tədqiqatlar Mərkəzi Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyələşdirdiyi “İşçilərin sosial vəziyyətinin gücləndirilməsi məqsədilə QHT-lərdə icbari sığortanın tətbiqinin təşviqi” layihəsini həyata keçirir.

AZADİNFORM. Bu gün Azərbaycanın müdafiə naziri, general-polkovnik Səfər Əbiyev Soçiyə gedib. Müdafiə Nazirliyinin mətbuat xidmətindən “Azadinform”a verilən məlumata görə, səfərdə məqsəd MDB Müdafiə Nazirləri Şurasının növbəti iclasında iştirak etməkdir.

 
Страница 579 из 613 << < 575 576 577 578 579 580 581 582 583 > >>
 Лента новостей
19.10.2018
 Архив
«Окт.2018
Пн.Вт.Ср.Чт.Пт.Сб.Вс.
1234567
891011121314
15161718192021
22232425262728
293031    
 
© 2018 All right reserved www.azadinform.az Powered by Danneo