Mübariz Aslanov/AZADİNFORM. Qeyri-yoluxucu xəstəliklərlə bağlı problemləri həll etmək üçün növbəti 20 ildə daha çox 30 trilyon dollar lazım olacaq. “Azadinform” xəbər verir ki, bu barədə Azərbaycanda səfərdə olan Ümumdünya Səhiyyə Təşkilatının (ÜST) baş direktoru xanım Margaret Chan bildirib.

AZADİNFORM. “ATƏT Parlament Assambleyasının payız sessiyası oktyabrın 7-dən 10-dək Xorvatiyanın Dubrovnik şəhərində keçiriləcək. Azərbaycan nümayəndə heyəti tərəfindən Ermənistanın ölkəmizə qarşı təcavüzü ilə bağlı məsələ bu sessiyada da qaldırılacaq”. “Azadinform” xəbər verir ki, bunu yap.org.az saytına açıqlamasında Milli Məclisin sədr müavini, Azərbaycanın ATƏT PA-da nümayəndə heyətinin rəhbəri Bahar Muradova deyib.

AZADİNFORM. Avropa Birliyi Transxəzər qaz kəmərinin tikintisi ilə bağlı Azərbaycan və Türkmənistanla danışıqlara başlamağa hazır olduğunu bildirib.  Bu kəmər vasitəsilə qaz Xəzər dənizinin dibi ilə Avropa ölkələrinə çatdırılacaq.

AZADİNFORM. Fransanın «Markul» AES-də partlayış baş verib. «Le Figaro» Fransanın Atom Enerjisi üzrə Komissarlığına istinadən xəbər verir ki, insident zamanı bir nəfər həlak olub və ən azı dörd nəfər xəsarət alıb. Ətrafa radiasiyanın yayılma ehtimalı var. «Azadinform» «Lenta.ruy»ya istinadən xəbər verir ki, bir nəfər itkin düşüb.

AZADİNFORM. Türkiyənin baş naziri Rəcəb Tayyib Ərdoğan Misir səfərindən öncə "Əl-Cəzirə" televiziyasının suallarını cavablandırıb. «Azadinform»un məlumatına görə, Ərdoğan Türkiyənin beynəlxalq sularda həyata keçirilən «Mavi Mərmərə» hücumundan sonra böyüklüyünə yaraşanı edərək səbr göstərdiyini söyləyib. 

Həbibə/AZADİNFORM. Bu ilin sonunadək Xəzərin Azərbaycan sektorunda yerləşən “Şahdəniz” strukturunda ikinci fazanın tammiqyaslı işlənməsi üçün sanksiya veriləcək. “Azadinform” xəbər verir ki, bunu Azərbaycan Dövlət Neft Şirkəti (ARDNŞ) İnvestisiya İdarəsinin rəhbəri Vaqif Əliyev bildirib. Şirkət rəsmisi qeyd edib ki, hazırda “Şahdəniz”in ikinci fazası üzrə işlər davam etdirilir və heç bir gecikmə yoxdur: “İkinci fazanın tammiqyaslı işlənməsi üzrə sanksiyanın noyabr ayında verilməsi nəzərdə tutulur”.

Mübariz Aslanov/AZADİNFORM. “Ümidvaram ki, Azərbaycanda keçirilən Ümumdünya Səhiyyə Təşkilatının (ÜST) Avropa Regional Komitəsinin 61-ci sessiyası səhiyyə üçün taleyüklü sənədlərin qəbulu ilə nəticələnəcək və XXI əsrdə Avropa ölkələrinin səhiyyə sahəsindəki yeni siyasətinin formalaşdırılmasına öz müsbət təsirini göstərəcək”.

Aytən İmanova/AZADİNFORM. “2014-cü ildən qəbul imtahanları yeni modelə əsasən tətbiq ediləcək”. “Azadinform” xəbər verir ki, bu barədə TQDK-nın sədri Məleykə Abbaszadə bildirib.

Həbibə/AZADİNFORM. “Yeni aşkarlanan “Abşeron” yatağında ehtimal olunan ehtiyatlar təsdiqlənsə, təsdiqlənmiş qaz ehtiyatları 2,5 trln. kubmetrdən çox olacaq”.

Mübariz Aslanov/AZADİNFORM. “Bu gün Azərbaycan səhiyyə sistemi Avropa səhiyyəsinin bir hissəsidir”. “Azadinform” xəbər verir ki, bu barədə jurnalistlərə açıqlamasında səhiyyə naziri Oqtay Şirəliyev deyib.

AZADİNFORM. Azərbaycanda rezidenturaya sənəd qəbulu başlayıb. “Azadinform” xəbər verir ki, bu barədə məlumatı Tələbə Qəbulu üzrə Dövlət Komissiyasının sədri Məleykə Abbaszadə verib. TQDK sədri bildirib ki, rezidenturaya qəbul olmaq hüququna baza ali tibb təhsili olan Azərbaycan vətəndaşları malikdirlər. Onun sözlərinə görə, əcnəbilər və vətəndaşlığı olmayan şəxslər rezidenturaya qəbul ola bilməzlər.
M.Abbaszadə deyib ki, namizədlər ərizələrini təsdiq etdirmək üçün bu gündən sentyabrın 19-dək (şənbə və bazar istisna olmaqla) saat 9-dan 17-dək, sentyabrın 20-də isə səhər saat 10-dək müvafiq Sənəd Qəbulu Komissiyasına TQDK-nın ödəmə kartını və tələb olunana sənədləri şəxsən təqdim etməlidirlər. “Qəbul imtahanı test üsulu ilə 2 mərhələdə aparılacaq. Birinci mərhələdə namizədin  baza fənləri üzrə bilikləri, ikinci mərhələdə isə fənlər üzrə bilikləri yoxlanılacaq” - deyə TQDK sədri qeyd edib.

AZADİNFORM. ATƏT-in Minsk qrupunun həmsədrlərinin qərarı ilə Ermənistan və Azərbaycanda arasında danışıqlar prosesində özünəməxsus «rotasiya» qaydasında aparılan aparıcı vasitəçi səlahiyyətləri Rusiyadan Fransaya ötürülə bilər.

AZADİNFORM. Prezident İlham Əliyev bu gün  “TOTAL” şirkətinin baş vitse-prezidenti Maykl Borrellin başçılıq etdiyi nümayəndə heyətini qəbul edib. “Azadinform” xəbər verir ki, nümayəndə heyətini salamlayan prezident İlham Əliyev Xəzər dənizinin Azərbaycan sektorunda yerləşən Abşeron blokunda iri qaz yatağının kəşf edilməsini ölkəmizin həyatında əlamətdar hadisə kimi dəyərləndirib. Dövlət başçısı ölkəmizdə yeni qaz yatağının kəşf olunmasının Azərbaycanın dünyanın ən böyük qaz istehsal edən ölkələr sırasında mövqeyini daha da möhkəmləndirəcəyini vurğulayıb.

Atif Eyvazov/AZADİNFORM. Televiziya və radiolarda Azərbaycan ədəbi dilinin qorunması ilə bağlı irəliləyişlər var. “Azadinform” xəbər verir ki, bu barədə Milli Televiziya və Radio Şurasının sədri Nuşirəvan Məhərrəmli bildirib. Sədrin sözlərinə görə, irəliləyişlərlə bərabər, kifayət qədər ciddi nöqsanlar da var.

Aytən İmanova/AZADİNFORM. “Biz seçki prosesi zamanı beynəlxalq təşkilatlardan qorxmamalıyıq”. “Azadinform” xəbər verir ki, bunu Mərkəzi Seçki Komissiyasının sədri Məzahir Pənahov deyib. Onun sözlərinə görə, beynəlxalq müşahidəçilər daha etibarlı mənbə kimi qəbul edilir, lakin onlardan qorxmaq lazım deyil: “Biz əsasən beynəlxalq aləmdə seçki prosesinə görə ölkəyə xələl gəlməməsinə çalışmalıyıq. Seçki prosesi ölkənin imicini formalaşdıran başlıca göstəricidir”.

AZADİNFORM. İnterpol Beynəlxalq Cinayət Məhkəməsinin sorğusu əsasında Liviyanın sabiq lideri Müəmmar Qəddafinin həbsinə order verib. «Azadinform» BBC-nin rus xidmətinə istinadən xəbər verir ki, Qəddafi ilə yanaşı, onun oğlu Seyf əl-İslam və hərbi kəşfiyyat idarəsinin rəhbəri Abdulla Senussi barəsində də axtarış elan edilib.

AZADİNFORM. Gürcüstan prezidenti Mixail Saakaşvili CNN-nin əməkdaşı Brayan Çilkotu «Qızılgül inqilabı»nın «xaç atası» adlandırıb.

AZADİNFORM. Türkiyə prezidenti Abdulla Gül Türkiyənin İsrailə etdiyi yaxşılıqlara toxunaraq bu ölkəni «nankor» adlandırıb: «Sanki bunları etmək məcburiyyətindəydik kimi bir nankorluq içərisindədirlər. Etdiyimiz yaxşılıqların bir qarşılığı olmur. İsrail müttəfiqlərinə belə yük olan bir ölkədir. Ona görə də bir az da onlar düşünsün». «Azadinform» Türkiyə mətbuatına istinadən xəbər verir ki, Türkiyə prezidenti İsrailin ABŞ-dan cəsarət aldığına işarə edib: «Netanyahunun ABŞ Konqresindəki çıxışı zamanı mənzərəyə baxın. Öz parlamentində o reaksiyanı alması mümkün deyil». 


Aytən İmanova/AZADİNFORM. “Azərbaycanda siyasi məqsədlərlə həbs olunmuş gənc məhbus yoxdur”. “Azadinform” xəbər verir ki, bu bəyanatla gənclər və idman naziri Azadi Rəhimov çıxış edib.

Aytən İmanova/AZADİNFORM. 2011-ci ilin ötən dövründə idmançılarımız 200 medal qazanıblar. “Azadinform”un məlumatına görə, bunu jurnalistlərə açıqlamasında gənclər və idman naziri Azad Rəhimov bildirib.

 
Страница 681 из 711 << < 677 678 679 680 681 682 683 684 685 > >>
 Лента новостей
20.05.2019
17.05.2019
 Архив
«Май.2019
Пн.Вт.Ср.Чт.Пт.Сб.Вс.
  12345
6789101112
13141516171819
20212223242526
2728293031  
 
© 2019 All right reserved www.azadinform.az Powered by Danneo