AZADİNFORM. Xarici işlər naziri Elmar Məmmədyarov Böyük Britaniya Parlamentinin İcmalar Palatasının üzvü, Mühafizəkar Partiyadan olan Azərbaycanın Dostları qrupunun sədr müavini Kristofer Pinçerin başçılıq etdiyi Böyük Britaniya Parlamentinin üzvlərindən ibarət nümayəndə heyətini qəbul edib.

Aytən İmanova/AZADİNFORM. Sarkisyan indi də Türkiyə torpaqlarını Qərbi Ermənistan adlandıraraq oranın birləşdirilməsini gələcək nəsillərə həvalə edib. Bu barədə “Azadinform” erməni mətbuata istinadən xəbər yayır. Ermənistan prezidentinin sözlərinə görə, Ağrı Dağı bölgəsinin geri alınmasını yeni nəsillərin boynundadır. 

AZADİNFORM. Argentina Milli Konqresinin Deputatlar Palatasında Azərbaycan-Argentina Parlamentlərarası Dostluq Qrupu yaradılıb. Azərbaycanın Argentinadakı səfirliyindən “Azadinform”a verilən məlumata görə, Dostluq Qrupunun yaradılmasına dair qətnamə Deputatlar Palatasının sədri Eduardo Alfredo Fellner tərəfindən imzalanıb.

AZADİNFORM. Əfqanıstanda qəzaya uğramış Azərbaycan təyyarəsinin ekipaj üzvlərinin meyitləri Bakıya gətirilib. “Azadinform” xəbər verir ki, bu barədə məlumatı araşdırma komissiyasının üzvü, Silk Way aviaşirkıtinin sədrinin köməkçisi Adil Qasımov bildirib.

AZADİNFORM. Türkiyə məhkəməsi erməni dilində çıxan «Aqos» qəzetinin baş redaktoru Hrant Dinki öldürən Ogun Samast barəsində 23 il həbs qərarı çıxarıb. Samast barəsində əvvəlcə ömürlük həbs qərarı çıxarılmışdı. Lakin sonradan bu müddətin 21,5 ilə salınması qərara alınıb.

Həbibə/AZADİNFORM. Bu ilin ilk yarısında 66 ədəd ixtira, 6 ədəd faydalı model, 15 ədəd sənaye nümunəsinə dair patent, 637 ədəd əmtəə nişanına dair şəhadətnamə qeydiyyata alınaraq sahiblərinə verilib. “Azadinform” xəbər verir ki, bu barədə Standartlaşdırma, Metrologiya və Patent üzrə Dövlət Komitəsindən bildirilib. Bundan başqa, 2 ədəd əmtəə nişanına dair iddia sənədi üzrə hüquqlar, 4 ədəd beynəlxalq əmtəə nişanının istifadəsinə dair lisenziya müqaviləsi və 25 ədəd əmtəə nişanına dair hüquqlar verilib.

AZADİNFORM. «Gürcüstan xalqı indiki hakimiyyətin yürütdüyü siyasətə uzun müddət dözmək niyyətində deyil». «Azadinform»un məlumatına görə, bu sözləri Gürcüstanın eks-prezidenti Eduard Şevardnadze Tbilisidə dərc olunan «Asaval-Dasavali» həftəliyinə müsahibəsində bildirib. Onun sözlərinə görə, Gürcüstanda günbəgün qiymətlər artır, işsizliyin səviyyəsi yüksəkdir, əhlinin yaşayış səviyyəsinin yüksəldilməsi əvəzinə, bunun əksinə qərarlar qəbul edilir.

AZADİNFORM. Azərbaycan-Polşa sənədlərinin imzalanması mərasimindən sonra prezident İlham Əliyev və prezident Bronislav Komorovski birgə mətbuat konfransı keçiriblər.

Həbibə/AZADİNFORM. Bu ilin ilk yarısında Dövlət Neft Fondunun büdcə gəlirləri 7827,2 milyon manat, büdcə xərcləri isə 2593,1 milyon manat təşkil edib.

AZADİNFORM. Bu gün Azərbaycan prezidenti İlham Əliyevin Polşa prezidenti Bronislav Komorovski ilə təkbətək görüşü olub. “Azadinform” xəbər verir ki, görüşdə Azərbaycanın Polşa ilə münasibətlərinin müxtəlif sahələrdə, o cümlədən siyasi, iqtisadi, enerji, humanitar və digər sahələrdə uğurla inkişaf etdiyi vurğulanıb, əlaqələrin bundan sonra da genişlənəcəyi bildirilib. İkitərəfli münasibətlərin Azərbaycan-Avropa İttifaqı əməkdaşlığı baxımından da əhəmiyyəti vurğulanıb.

Aytən İmanova/AZADİNFORM. İran Mərkəzi Bankı milli məzənnənin denominasiyasını keçirmək niyyətindədir. Bu barədə “Azadinform” İran mətbuatına istinadən xəbər verir. Ölkənin Mərkəzi Bankının veb-saytında xüsusi bölmə-forum açılıb və vətəndaşlara milli məzənnə üçün təklif edilmiş adlardan birini seçmək təklif olunur.

AZADİNFORM. Türkiyənin baş naziri Rəcəb Tayyip Ərdoğan iyulun 27-də Azərbaycana səfərə gələcək. “Azadinform”  Türkiyə Baş nazirinin mətbuat xidmətinə istinadən xəbər verir ki, səfər çərçivəsində R.T.Ərdoğanın Azərbaycan prezidenti İlham Əliyevlə ikitərəfli və nümayəndə heyətləri çərçivəsində görüşləri planlaşdırılır.

AZADİNFORM. Bu gün yerli vaxtla saat 05:42:51–də Xəzər dənizində zəlzələ qeydə alınıb. AMEA Seysmoloji Xidmət Mərkəzindən “Azadinform”a verilən məlumata görə, zəlzələ hiss olunmayıb. Zəlzələ maqnituda 3.90, dərinliyi isə 128 km olub.

AZADİNFORM. Türkiyə və Ermənistan biznesmenləri Yerevanda keçirilən görüşdə qarşılıqlı ticarəti və turizmi inkişaf etdirmək barədə saziş imzalayıblar. «Azadinform» «News.am»a istinadən xəbər verir ki, bu barədə məlumat verən Ermənistanın Sənayeçilər və İş adamları Birliyinin sədri Arsen Qazaryan deyib ki, hazırda Türkiyə ilə Ermənistan arasında ticarət dövriyyəsi 250 milyon dollar olsa da, iki qonşu ölkə arasında birbaşa quru yolu yoxdur.

Aytən İmanova/AZADİNFORM. Xəzərin Azərbaycan sektorundakı “Şahdəniz” qaz-kondensat yatağının işlənməsinə 20-22 milyard dollar investisiya tələb olunur. “Azadinform” xəbər verir ki, bu barədə Türkiyənin “Hürriyyət” qəzetinə açıqlamasında ARDNŞ-nin marketinq və investisiyalar üzrə vitse-prezidenti Elşad Nəsirov bildirib.

 

Natiq Bağırov/AZADİNFORM. Bu il Bakı şəhərində 5580 cinayət hadisəsi qeydə alınıb. Bu barədə “Azadinform”a Bakı şəhər Baş Polis İdarəsinin mətbuat xidmətindən məlumat verilib.

AZADİNFORM. Avropa Birliyi Qarabağ münaqişəsinin nizamlanması prosesinə daxil olma prosesini artırmaq, münaqişənin nizamlanması və regionun bərpa işlərinə zəruri maliyyə köməyini ayırmağa hazırdır.

Atif Eyvazov/AZADİNFORM. Təhsil naziri Misir Mərdanov "Azərbaycan Respublikasının Əmək Məcəlləsinə dəyişikliklər edilməsi haqqında" Qanuna edilən dəyişikliyin icrasını təmin etmək məqsədilə əmr imzalayıb. “Azadinform” xəbər verir ki, əmrdə Aparat rəhbəri və şöbə rəhbərlərinə tapşırılıb ki, Təhsil Nazirliyinin nomenklaturasına əsasən təhsil müəssisələrində yaş həddi 65-ə çatmış təhsil işçilərinin siyahısını hazırlayıb rəhbərliyə təqdim etsinlər.

Mübariz Aslanov/AZADİNFORM. “Bu gün Azərbaycanda bəzi özəl universitetləri yalnız tələbənin sayı maraqlandırır”. “Azadinform” xəbər verir ki, bu barədə Tələbə Qəbulu üzrə Dövlət Komissiyasının (TQDK) sədri Məleykə Abbaszadə bu gün keçirdiyi mətbuat konfransında deyib.

AZADİNFORM. Ermənistan prezidenti Serj Sarkisyan Rusiya prezidenti Dmitri Medvedyevin Qarabağ münaqişəsi ilə bağlı müraciətinə rəsmən cavab verib. «Azadinform» erməni KİV-inə istinadən xəbər verir ki, bu sözləri jurnalistlərə Ermənistan prezidentinin mətbuat katibi Armen Arzumanyan bildirib.

 
Страница 679 из 698 << < 675 676 677 678 679 680 681 682 683 > >>
 Лента новостей
18.01.2019
17.01.2019
 Архив
«Янв.2019
Пн.Вт.Ср.Чт.Пт.Сб.Вс.
 123456
78910111213
14151617181920
21222324252627
28293031   
 
© 2019 All right reserved www.azadinform.az Powered by Danneo