AZADİNFORM. Liviya lideri Müəmmar Qəddafinin oğlanlarından biri NATO qüvvələrinin aviahücumu nəticəsində həlak olub. «Azadinform»un «France-Presse» agentliyinə istinadən yaydığı məlumata görə, bu barədə üsyançıların nümayəndələri bildiriblər.

AZADİNFORM. Cari tədris ilində ali məktəblərə keçirilən qəbul imtahanlarında tələbə adını qazanan şəxslər avqustun 8-dən 18-dək sənədlərini daxil olduqları ali təhsil müəssisələrində təsdiqləməklə qeydiyyatdan keçməlidirlər.

Həbibə/AZADİNFORM. Yaxın vaxtlarda Şəhidlər xiyabanı yaxınlığında bir neçə istiqamətə çıxışı olan yeraltı piyada keçidinin inşasına başlanılacaq. “Azadinform” xəbər verir ki, bu barədə Nəqliyyat Nazirliyinin mətbuat xidmətindən bildirilib. Qeyd edilir ki, bu istiqamətdə yeraltı piyada keçidi yol hərəkətinin təhlükəsizliyi baxımından zəruridir.

AZADİNFORM. Türkiyə Silahlı Qüvvələrinin Azərbaycana yeni hərbi attaşesi təyin olunub. “Azadinform” Türkiyə mətbuatına itinadən xəbər verir ki, yeni hərbi attaşenin təyinatı ilə bağlı qərar Ali Hərbi Şurada qəbul edilib.

Həbibə/AZADİNFORM. Qəbələ və Naxçıvana gələn turistlərin sayı artıb. “Azadinform” Naxçıvan MR Mədəniyyət və Turizm Nazirliyinin məlumatına istinadən xəbər verir ki, bu ilin yanvar-iyun aylarında muxtar respublikaya ölkəmizin digər bölgələrindən və xaricdən 153 min turist gəlib. Ötən ilin analoji dövründə bu rəqəm 126 min nəfər olub.

Natiq Bağırov/AZADİNFORM. Bu gün Bakı Ağır Cinayətlər Məhkəməsində 5 yaşlı Sevinc Həsənovanı xüsusi amansızlıqla qətlə yetirməkdə ittiham olunan Rəbiyyət Osmanova və Şahlar Həsənovun cinayət işi üzrə məhkəmə başa çatıb. “Azadinform” xəbər verir ki, hakim Azər Orucovun sədrliyi ilə keçirilən prosesdə təqsirləndirilən şəxslərə hökm oxunub. Məhkəmənin hökmü ilə R.Osmanova və Ş.Həsənovun hər biri 15 il müddətinə azadlıqdan məhrum edilib.


AZADİNFORM. İran prezidenti Mahmud Əhmədinejad «Euronews» telekanalına eksklüziv müsahibə verib. «Azadinform» telekanala istinadən xəbər verir ki, Əhmədinejad müsahibə zamanı gözlənilmədən ölkəsinə rəhbərlik etməsinin ziddiyyətlər doğurması ilə bağlı ünvanlanan suallara verdiyi cavabın tonunu yumşaldıb.

Mübariz Aslanov/AZADİNFORM. Cari tədris ili üçün Azərbaycanın ali təhsil müəssisələrinin boş qalan (vakant) yerlərinə əlavə yerləşdirmə üçün sənəd qəbulunun tarixi açıqlanıb.

AZADİNFORM. Türkiyə Yüksək Əsgəri Şura toplantısı tamamlanıb. “Azadinform” xəbər verir ki, prezident Abdulla Gül təqdim olunan qərarları təsdiq edib. Ordu generalı Necdət Özəl Türkiyə Silahlı Qüvvələrinin Baş Qərargah rəisi təyin olunub.

AZADİNFORM. Sankt-Peterburqda qalmaqal: Rusiyanın şimal paytaxtında türk konsul Mehmet Çinar israilli həmkarı Eduard Şapiri aşağılayıb. Məlumata görə, Çinar israillini yanına çağıraraq, ona Peterburqdakı Xoral sinaqoqunda birgə rəsm sərgisinin təxirə salındığını deyib. Problem onda olub ki, türk konsul onu aşağı divanda oturdub, özü isə hündür stulda əyləşib.

AZADİNFORM. Fransa prezidenti Nikola Sarkozinin oktyabr ayında Azərbaycana səfərə gələcəyi gözlənilir. “Azadinform” “Armenia Today” qəzetinə istinadən xəbər verir ki, Fransa prezidenti öncə Gürcüstana səfər edəcək, sonra Ermənistana, oradan isə Azərbaycana gələcək. Ermənistana səfər oktyabrın 7-9-na planlaşdırılıb.

Həbibə/AZADİNFORM. Dövlət müəssisələri arasında informasiya mübadiləsi üçün “Elektron hökumət” informasiya sisteminin həyata keçirilməsinə başlanılıb. “Azadinform” xəbər verir ki, bu barədə Rabitə və İnformasiya Texnologiyaları Nazirliyindən bildirilib. Qeyd edilib ki, yaxın günlərdə Təhsil və Səhiyyə nazirlikləri “Elektron hökumət” dövlət informasiya sisteminə qoşulacaq və Azərbaycanda bu sistemə qoşulan dövlət idarələrinin sayı 8-ə çatacaq.

AZADİNFORM. İsveçin baş naziri Fredrik Rayn Feldtin oğlu Qustav «McDonald's» restoranlar şəbəkəsində işə düzəlib. «Azadinform» «Lenta.ru»ya istinadən xəbər verir ki, 18 yaşlı yeniyetmə bunu «Twitter»dəki mikrobloqunda göstərib.

AZADİNFORM. Türkiyə Silahlı Qüvvələrində Ali Hərbi Şura toplantısından əvvəl başlayan dəyişikliyin bundan sonra da davam edəcəyi bildirilir. «Azadinform» ТРТ-yə istinadən xəbər verir ki, Silahlı Qüvvələrin 30 avqust (Zəfər günü) təbriklərini qəbul protokolu və qərargahın media ilə əlaqə şəkli dəyişir.

AZADİNFORM. Misirdə korrupsiya və insan ölümündə ittiham edilən keçmiş prezident Hüsnü Mübarəkin məhkəməsi keçirilir. Sabiq prezident ona qarşı irəli sürülün ittihamların heç biri üzrə özünü günahkar saymadığını bildirib. 83 yaşlı devrilmiş diktator müalicə olunduğu Şarm Əl-Şeyxdən ambulans-təyyarə ilə Qahirəyə, oradan isə vertolyotla məhkəmə salona gətirilib. Bu dinləmələr üçün xüsusi olaraq təchiz edilmiş zalda 600-ə yaxın adam iştirak edir.

AZADİNFORM. Dünya boyunca 70-dən artıq təşkilatın kompyuteri xaker hücumuna məruz qalıb. «Azadinform» «Lenta.ru»ya istinadən xəbər verir ki, onların arasında BMT və BOK da var. Hücumları aşkar edən kompyuter təhlükəsizliyi təşkilatı «McAfee» bəyan edib ki, bunlar kompyuter tarixində ən böyük kiberhücumlardır.

AZADİNFORM. Bu gün Bakıda ət məhsulları istehsal olunan sexdə partlayış olub. Nərimanov Rayon Polis İdarəsindən “Azadinform”a verilən məlumata görə, hadisə bu gün saat 09.30 radələrində Ağa Nemətulla küçəsində yerləşən ət məhsulları istehsal edən sexdə meydana gəlib. Nəticədə sexdə olan şəxslərdən 2 nəfər ölüb, bir neçə nəfər isə xəsarət alıb.

Həbibə/AZADİNFORM. Manatın real dəyəri onun mübadilə məzənnəsindən aşağıdır. “Biq Mak İndeksi”nə əsasən milli valyutamızın məzənnəsi 3,2 faiz “şişirdilib”. İndeksə görə, Azərbaycanda dollar təxminən 81,2 qəpik olmalıdır. “Azadinform”un məlumatına görə, “İqtisadi forum” jurnalı bu barədə Britaniyanın “The Economist” jurnalına istinadən xəbər verir.

AZADİNFORM. May ayı ilə müqayisədə indi paytaxtda su istehlakı 35 faiz artıb. “Azadinform” xəbər verir ki, bu barədə “Azərsu” ASC-nin sədri Qorxmaz Hüseynov bildirib.

AZADİNFORM. Dünən yerli vaxtla saat 23:26:47-də Şəmkir rayon mərkəzindən 26 km şimali-şərqdə 12 ballıq MSK-64 cədvəli üzrə 3.0 bal gücündə zəlzələ qeydə alınıb.

 
Страница 673 из 695 << < 669 670 671 672 673 674 675 676 677 > >>
 Лента новостей
12.12.2018
11.12.2018
 Архив
«Дек.2018»
Пн.Вт.Ср.Чт.Пт.Сб.Вс.
     12
3456789
10111213141516
17181920212223
24252627282930
31      
 
© 2018 All right reserved www.azadinform.az Powered by Danneo