AZADİNFORM. Liviyanın keçmiş baş naziri Bağdadi Əli əl-Mahmudi Tunisdə həbs olunub. Tunis daxili işlər naziri əl-Mahmudinin həbsini təsdiq edib. Onun sentyabrın 21-də axşam həbs olunduğu bildirilir.

AZADİNFORM. Yəmən prezidenti Əli Abdullah Saleh ölkəsinə qayıdıb. «Azadinform» «Lenta.ru»ya istinadən xəbər verir ki, bu barədə Yəmən dövlət televiziyası məlumat yayıb. Məlumata görə, Abdullah Saleh özəl təyyarəsində geri qayıdıb. O, Yəməni iyunda tərk edib. Saleh etirazçıların hücumu zamanı yaralandığı üçün Səudiyyə Ərəbistanına müalicəyə aparılmışdı.

AZADİNFORM. Rusiyanın Dağıstan Muxtar Respublikasında yüksək vəzifəli polis təmsilçisinə qarşı həyata keçirilən hücumda 4 nəfər ölüb.

AZADİNFORM. Gürcüstan prezidenti Mixail Saakaşvili BMT Baş Assambleyasındakı çıxışında Rusiyanın siyasətini tənqid edib.

AZADİNFORM. ABŞ dövlət katibi Hillari Klinton Türkiyənin xarici işlər naziri Əhməd Davudoğlu ilə görüşdə yeni çoxmillətli təşkilatın təsis edildiyini bəyan edib.

AZADİNFORM. İran prezidenti Mahmud Əhmədnejadın BMT-nin Baş Assambleyasında Amerika əleyhinə çıxışı zamanı ABŞ nümayəndə heyəti zalı tərk edib. O, çıxışında 2001-ci il 11 sentyabr terrorunu şübhə altına alıb.

AZADİNFORM. Fransa məhkəməsi iki müsəlman qadını - Hind Asmas və Kenza Drideri ictimai yerlərdə üzü tam gizlədən örtüyü taxmağı qadağan edən qanunu pozduqlarına görə cərimə edib. «Azadinform» «svobodanews.ru»a istinadən xəbər verir ki, cərimə 120 və 80 avro təşkil edib.

AZADİNFORM. Roma Papası XVI Benedikt Almaniyaya rəsmi səfərə gəlib. Onu Berlin hava limanında prezident Kristian Vulf və kansler Angela Mekel qarşılayıb.

AZADİNFORM. Avropa Birliyinin daxili işlər nazirləri Şengen zonasını genişləndirmək barədə razılığa gələ bilmirlər. Mübahisə Bolqarıstan və Rumıniyanın bu zonaya daxil edilməsi üzərində gedir. «Azadinform» «Lenta.ru»ya istinadən xəbər verir ki, iki Şərqi Avropa ölkəsi bu il Şengen zonasına daxil olmağa ümid bəsləyir və birliyin bir çox üzvü onları dəstəkləyir.

AZADİNFORM. Yunanıstanda nəqliyyat işçiləri hökumətin iqtisadi tədbirlər planına qarşı 24 saatlıq ümummilli tətil keçirir.

AZADİNFORM. Türkiyənin baş naziri Rəcəb Tayyib Ərdoğan Amerikanın «PBS» televiziyasında yayımlanan «Charlie Rose Show» proqramında iştirak edib və məşhur aparıcı Çarli Rouzun suallarını cavablandırıb.

“The Guardian”: “Culian Assancın şərhləri onun icazəsi olmadan “Wikileaks”də yayımlanacaq”

 

AZADİNFORM. ABŞ prezidenti Barak Obama Fələstin muxtariyyətinin rəhbəri Mahmud Abbası xəbərdar edib ki, Birləşmiş Ştatlar BMT-nin Fələstinin müstəqilliyinin tanınması ilə bağlı qəbul etdiyi istənilən qərara veto qoyacaq. «Azadinform» RİA «Novosti»yə istinadən xəbər verir ki, Obama bunu Mahmud Abbasla görüşü zamanı deyib.

AZADİNFORM. «Forbes» jurnalının versiyasına görə, Bill Geyts dünyanın ən varlı adamı kimi tanınıb. «Azadinform» «MIGnews.com»a istinadən xəbər verir ki, «Microsoft» kompaniyasının qurucusunun varidatı 59 milyard dollardır. Ötən il reytinqdə «Berkshire Hathaway» kompaniyasının rəhbəri Uorren Baffet lider idi.

AZADİNFORM. Argentina prezidenti Kristina Kirşner yenidən İrandan 17 il bundan öncə Buenos-Ayresin mərkəzində yəhudi icmasına hücum edən terrorçuların onlara təslim edilməsini tələb edib. «Azadinform» «Lenta.ru»ya isinadən xəbər verir ki, Kirşner Nyu-Yorkda BMT Baş Assambleyasında çıxış edib. Argentina 2003-cü ildən bu yana terrorçuların təslim olunması ilə bağlı İrana bir neçə dəfə müraciət edib.


AZADİNFORM. Dünyaca məşhur «Wikileaks» saytının qurucusu Culian Assanc tərcümeyi-halını əks etdirən kitabın dərcindən narazıdır. Assanc yaydığı bəyanatda göstərib ki, kitabda bir çox fakt həddən artıq şişirdilib. BBC-nin yaydığı xəbərə görə, Assanc kitabı dərc edən Britaniyanın «Canongate» mətbəəsini onun razılığı olmadan çapı həyata keçirdiyini deyib.

AZADİNFORM. Yəmənin paytaxtı Sənada prezident Əli Abdulla Salehin tərəfdarları ilə müxalifət arasında baş vermiş toqquşma nəticəsində azı 16 nəfər ölüb, 50-dən çox adam yaralanıb.

AZADİNFORM. Ankaradakı Qumrular prospektində 3 nəfərin öldüyü terror aktını həyata keçirən terrorçunun şəxsiyyəti müəyyənləşib. «Azadinform» Türkiyə mətbuatına istinadən xəbər verir ki, terrorçunun iyulun 5-də Ortadoğu Texniki Universitetinin (ODTÜ) ərazisi yaxınlığından keçən hərbi xidmət avtomobilini hədəfə alan şəxs olduğu ortaya çıxıb.

AZADİNFORM. Gürcüstan prezidenti Mixail Saakaşvili hesab edir ki, Rusiya keçmiş SSRİ-nin nüfuzunu bərpa etməyə çalışır.

AZADİNFORM. Təmirə dayanmış Ermənistan AES-in yenidən işə düşməsi təhlükə altındadır. Belə ki, mühəndis və texniki personalın 158 əməkdaşı sentyabrın 20-də işdən getmək barədə ərizə yazıblar. «Azadinform» «Aykakan-Jamanak» qəzetinə istinadən xəbər verir ki, təmir işləri 46 gün davam etməlidir.

 
Страница 624 из 695 << < 620 621 622 623 624 625 626 627 628 > >>
 Лента новостей
15.02.2019
14.02.2019
 Архив
«Фев.2019
Пн.Вт.Ср.Чт.Пт.Сб.Вс.
    123
45678910
11121314151617
18192021222324
25262728   
 
© 2019 All right reserved www.azadinform.az Powered by Danneo