AZADİNFORM. Xarici işlər naziri Elmar Məmmədyarov  Niderland Krallığına səfəri çərçivəsində Beynəlxalq Ədalət Məhkəməsinin prezidenti Peter Tomka ilə görüş keçirib. XİN-dən “Azadinform”a verilən məlumata görə, Peter Tomka Elmar Məmmədyarovu səmimi salamladıqdan sonra BMT-nin Beynəlxalq Ədalət Məhkəməsinin strukturu, yurisdiksiyası, hal-hazırda baxdığı işləri və məhkəmə sistemində edilən islahatlar barədə məlumat verərək, Azərbaycanın məhkəmənin fəaliyyətinə verdiyi dəstəyə görə təşəkkürünü bildirib.

Həbibə/AZADİNFORM. Azərbaycanda ödənişli yollarla bağlı müvafiq qanunvericiliyə dəyişikliklər ediləcək. “Azadinform” xəbər verir ki, bu barədə jurnalistlərə açıqlamasında “Azəryolservis” ASC-nin sədri Cavid Qurbanov deyib. Onun sözlərinə görə, bu, ilk novbəbə Bakıətrafı dairəvi yollarda tətbiq oluna bilər: “Amma ödənişli yolların olması üçün əvvəlcə alternativ yollar hazırlanmalıdır”.

AZADİNFORM. Bu gün ABŞ Senatının Xarici Əlaqələr Komitəsi Riçard Morninqstarın Azərbaycana səfir postuna namizədliyini müzakirə edəcək. “Azadinform” bu barədə ABŞ Senatının rəsmi saytına istinadən məlumat yayıb. 

Mübariz Aslanov/AZADİNFORM. Bu gün Milli Məclisdə “Ölkədən getmək, ölkəyə gəlmək və pasportlar haqqında” qanuna dəyişikliklər müzakirəyə çıxarılıb. “Azadinform” xəbər verir ki, layihə barədə Milli Məclisin Hüquq siyasəti və dövlət quruculuğu komitəsinin sədri Əli Hüseynli məlumat verib.

Mübariz Aslanov/AZADİNFORM. Bu gün Milli Məclisin yaz sessiyasının növbədənkənar iclası işə başlayıb. “Azadinform” xəbər verir ki, iclası açıq elan edən spiker Oqtay Əsədov bildirib ki, gündəlikdə duran ilk məsələ "Azərbaycan Respublikasının keçmiş prezidentinin və onun ailə üzvlərinin təminatı haqqında" Konstitusiya qanununun təkrar səsverməsidir.

Həbibə/AZADİNFORM. “Eurovision-2012” mahnı müsabiqəsi ərəfəsində Azərbaycana gələn turistlərin sayı açıqlanıb. “Azadinform”un məlumatına görə, mədəniyyət və turizm naziri Əbülfəs Qarayev müsabiqə zamanı 15 gün müddətində ölkənin sərhədini 103 min insanın keçdiyini bildirib.

Atif Eyvazov/AZADİNFORM. “Bu günlərdə cəbhə bölgəsində hərbçilər arasında ölüm halları baş verib. Əlbəttə, belə hallar qəbuledilməzdir”.

Həbibə/AZADİNFORM. ARDNŞ indiyədək Türkiyəyə 2 milyard, Gürcüstana isə 700 mln. dollar investisiya yatırıb. “Azadinform” xəbər verir ki, bunu XIX Xəzər Neft-Qaz Konfransında çıxış edən ARDNŞ-ın iqtisadi məsələlər vitse-prezidenti Süleyman Qasımov bildirib. 

AZADİNFORM. Prezident İlham Əliyev ABŞ-ın dövlət katibi Hillari Klintonu qəbul edib. “Azadinform” xəbər verir ki, ABŞ dövlət katibi Hillari Klintonun Azərbaycana növbəti səfərindən məmnunluğunu bildirən dövlət başçısı bunu ölkələrimiz arasında dostluq və tərəfdaşlıq əlaqələrinin göstəricisi kimi dəyərləndirib. Azərbaycan ilə Amerika Birləşmiş Ştatları arasında iqtisadi, enerji, regional təhlükəsizlik, siyasi islahatlar, münaqişənin nizama salınması və digər sahələrdə əməkdaşlıq məsələlərinə toxunan prezident İlham Əliyev ikitərəfli əlaqələrimizin uğurla inkişaf etdiyini bildirib.

AZADİNFORM. İctimai televiziyaya əcnəbi serialları yaymasına icazə verilir. “Azadinform” xəbər verir ki, “İctimai televiziya və radio yayımı haqqında” qanuna təklif olunan dəyişikliyə görə İTV əcnəbi film və serialları subtitrlərlə verəcək.

Mübariz Aslanov/AZADİNFORM. “Dəfələrlə demişəm, bu gün də deyirəm: Azərbaycan bütün sahələrdə müstəqil siyasət aparır, o cümlədən də iqtisadi sahədə, çünki iqtisadi müstəqillik olmadan siyasi müstəqillik ola bilməz”. “Azadinform” xəbər verir ki, bunları Azərbaycan Prezidenti İlham Əliyev bu gün Bakıda XIX beynəlxalq neft-qaz sərgisinin açılışında çıxışı zamanı bildirib.

AZADİNFORM. Yerevanda səfərdə olan ABŞ dövlət katibi Hillari Klinton xəbərdarlıq edib ki, Azərbaycanla Ermənistan arasında gərginlik sərhəd boyu münaqişələrə səbəb ola bilər. Ermənistanda prezident Serj Sarkisyan və başqa rəsmilərlə görüşündə Azərbaycanın daxilində etnik erməni separatçı region olan Dağlıq Qarabağ münaqişəsinin sülh yolu həllinə dair müzakirələr aparıb.

AZADİNFORM. Prezident İlham Əliyev Ukraynanın xarici işlər naziri Konstantin Qrişenkonun başçılıq etdiyi nümayəndə heyətini qəbul edib. “Azadinform” xəbər verir ki, nazir Konstantin Qrişenko Ukrayna Prezidenti Viktor Yanukoviçin salamlarını və ən xoş arzularını dövlət başçısına çatdırıb.

AZADİNFORM. “Eurovision-2012” müsabiqəsi bütün dünyaya Azərbaycanın uğurlarını və həyata keçirdiyi dəyişiklikləri nümayiş etdirdi”. “Azadinform” xəbər verir ki, bu sözləri Azərbaycanın ABŞ-dakı səfiri Elin Süleymanov “Washington Times” qəzetinə müsahibəsində deyib.

Mübariz Aslanov/AZADİNFORM. İyunun 12-də Milli Məclisin növbədənkənar iclası keçiriləcək. Bu barədə məlumatı “Azadinform”a Milli Məclisin mətbuat katibi Akif Təvəkküloğlu bildirib.

Mübariz Aslanov/AZADİNFORM. “Avropa İttifaqı faktları fakt kimi qiymətləndirməlidir. Hazırda Dağlıq Qarabağla bağlı fakt işğal faktıdır və bu da belə qiymətləndirilməlidir”. “Azadinform” xəbər verir ki, bunları Azərbaycan Xarici İşlər Nazirliyinin mətbuat katibi Elman Abdullayev Avropa Birliyinin Cənubi Qafqaz və Gürcüstan üzrə xüsusi nümayəndəsi Filipp Leforun İrəvanda verdiyi bəyanata münasibət bildirərkən deyib.

AZADİNFORM. Azərbaycanda şagirdləri buraxılış imtahanlarından azad olunan məktəblərin adları açıqlanıb. “Azadinform” xəbər verir ki, Tələbə Qəbulu üzrə Dövlət Komissiyasının sədri  (TQDK) Məleykə Abbaszadə bu gün keçirdiyi mətbuat konfransında bildirib ki, mayın əvvəlində ölkənin şimal-qərb bölgəsində baş vermiş zəlzələ ilə əlaqədar Zaqatala rayonunun bütün məktəbləri buraxılış imtahanından azad ediliblər. Həmin məktəblərin şagirdlərinin attestat qiymətləri illik qiymətləri əsasında müəyyənləşəcək.

Adəm Abbaslı/AZADİNFORM. Sabahdan etibarən ölkədə keçmiş SSRİ Əmanət bankının Azərbaycan şöbəsinin 1992-ci il yanvarın 1-i üzrə əmanətçilərinə birdəfəlik fərdi ödənişlərin verilməsi prosesinə başlanılır.

Mübariz Aslanov/AZADİNFORM. “Avropa Parlamentinin Azərbaycanda insan haqlarının vəziyyətinə dair qəbul etdiyi qətnamə məni təəccübləndirib. Ona görə ki, ən azı bu qətnamə təcili, təxirəsalınmaz keçirilən iclasda qəbul edilib. Bu tələsik olan niyyətləri nədir bu avropalıların?!” “Azadinform” xəbər verir ki, bu barədə bu gün Milli Məclisdə vitse-spiker Valeh Ələsgərov AP-nin ötən gün Azərbaycanla bağlı qəbul etdiyi qətnamə ilə əlaqədar keçirdiyi mətbuat konfransında bildirib.

Mübariz Aslanov/AZADİNFORM. “Azərbaycan tərəfinin dəfələrlə mövqeyi səslənib ki, İran tərəfindən ölkəmizə qarşı edilən təxribatlara adekvat cavablar veriləcək və verildi, lazım olsa yenə veriləcək”. “Azadinform” xəbər verir ki, bu barədə jurnalistlərə açıqlamasında Azərbaycan Xarici İşlər Nazirliyinin mətbuat katibi Elman Abdullayev bildirib.

 
Страница 536 из 558 << < 532 533 534 535 536 537 538 539 540 > >>
 Лента новостей
24.05.2019
23.05.2019
22.05.2019
20.05.2019
 Архив
«Май.2019
Пн.Вт.Ср.Чт.Пт.Сб.Вс.
  12345
6789101112
13141516171819
20212223242526
2728293031  
 
© 2019 All right reserved www.azadinform.az Powered by Danneo