Həbibə/AZADİNFORM. Xarici ölkələrdə Azərbaycan ticarət evləri yaradılacaq. “Azadinform” xəbər verir ki, bu barədə Bakıda keçirilən Azərbaycan-Hindistan biznes forumunda ASK sədri Məmməd Musayev bildirib.

Natiq Bağırov/AZADİNFORM. Masallı rayonunda bıçaqlanma hadisəsi baş verib. Bu barədə “Azadinform”a Masallı rayon Polis Şöbəsindən məlumat verilib. Məlumata görə, hadisə rayonun Ərkivan qəsəbəsində qeydə alınıb. Qəsəbə sakini Urfan Quliyev həmyerlisi, əvvəllər məhkum olunmuş Vaqif Qasımov tərəfindən bıçaqlanıb.

Həbibə/AZADİNFORM. Azərbaycanın bir neçə bölgəsində fəaliyyət göstərən mehmanxana və mehmanxana tipli obyektlərdə iyun ayının 20-dən başlayan və 3 həftə müddətində davam edən monitorinqlərin nəticələri bəlli olub.


AZADİNFORM. Əfqanıstanın ikinci böyük şəhəri hesab edilən Qəndəhar şəhərinin meri öldürülüb. «Azadinform» «Lenta.ru»ya istinadən xəbər verir ki, Qulam Heydər Həmidi sui-qəsd nəticəsində qətlə yetirilib. İlkin məlumatlara görə, partlayıcı qurğu kamikadze tərəfindən işə salınıb. O, həmin partlayıcını çalmasında gizlədibmiş.

AZADİNFORM. Almaniyanın Hamburq şəhərində bu ölkədə yaşayan azsaylı xalqların nümayəndələrinin futbol komandaları arasında turnir keçirilib. Diasporla İş üzrə Dövlət Komitəsindən “Azadinform”a verilən məlumata görə, 16 komandanın yarışdığı turnirdə azərbaycanlılardan ibarət komanda da iştirak edib.

Xədicə/AZADİNFORM. Müğənni İradə İbrahimova yayın hitini təqdim etdi.

AZADİNFORM. İran prezidenti Mahmud Əhmədinejadın Türkmənistan prezidenti Qurbanqulu Berdiməhəmmədova Novruz bayramı münasibətilə hədiyyə etdiyi  İran istehsalı olan təyyarə Aşqabad aeroportuna enib.

AZADİNFORM. Birləşmiş Ştatların Birminhem şəhər məhkəməsi prezident Barak Obamanı öldürməklə hədələməsinə görə Özbəkistan vətəndaşı 22 yaşlı Uluqbəy Kodirova qarşı ittiham irəli sürüb.

AZADİNFORM. İran saytları məlumat verir ki, keçmiş prezident Məhəmməd Xatəmiyə ölkəni tərk etmək qadağan olunub. «Azadinform» un məlumatına görə, «Jahan-News» saytı adını açıqlamadığı mənbələrə istinadən xəbər verir ki, Xatəmi Avropaya uşaqlarının yanına getməyi planlaşdırıb. O həm də İrlandiyada keçiriləcək siyasi seminara qatılacaqmış. Mənbənin məlumatına görə, yerli hakimiyyət Xatəmiyə ölkəni tərk etməyə icazə verməyib. Saytın məlumatı rəsmi təsdiqlənməyib.

AZADİNFORM. Norveç polisi bəyan edib ki, 76 adamı öldürən Anders Bering Breyvikin kirayə etdiyi və bomba gizlədilən fermanı tapıb zərərsizləşdiriblər.

Həbibə/AZADİNFORM. Hər il 150 min turist Türkiyəyə müalicə məqsədilə səfər edir. “Azadinform” xəbər verir ki, bu barədə Türkiyənin Azərbaycandakı səfirliyinin kültür və tanıtım müşavirliyinin əməkdaşı Nizami Zöhrabi bildirib. Onun sözlərinə görə, 2011-ci ildə Türkiyə büdcəsinə müalicə turizmindən 4 milyard avro gəlir gələcəyi proqnozlaşdırılır. Bu ölkənin müalicə turizmində əldə etdiyi ən böyük üstünlük isə keyfiyyətli xidmət və aşağı qiymət təklif etməsidir.

Həbibə/AZADİNFORM. Mədəniyyət və Turizm Nazirliyi, Azərbaycan Turizm Assosiasiyası və İqtisadi İnkişaf Nazirliyinin nümayəndələrinin daxil olduğu Monitorinq Qrupu tərəfindən keçirilən monitorinqlər zamanı regionlarda yerləşən bəzi mehmanxana və mehmanxana tipli müəssisələrin lisenziyasız işlədiyi məlum olub.

AZADİNFORM. Azərbaycanın Kanadadakı səfiri Fərid Şəfiyev Kanadanın Nyu Bransvik (New Brunswick) əyalətinə səfər edib. Səfirlikdən “Azadinform”a bildiriblər ki, səfər zamanı F.Şəfiyev Nyu Bransvik əyalətinin paytaxtı olan Frederikton (Fredericton) şəhərinin meri Brad Vudsayd (Brad Woodside), Nyu Bransvikin kənd təsərrüfatı naziri Maykl Olskəmp (Michael Olscamp) və enerji naziri Kreq Leonard (Craig Leonard) ilə görüşlər keçirib. Görüşlər zamanı ikitərəfli ticarət və sərmayə əlaqələri müzakirə olunub.

Türkiyə Xarici İşlər Nazirliyi Ermənistan prezidenti Serj Sarkisyanın bəyanatlarına sərt cavab verib. “Azadinform” xəbər verir ki, Türkiyə XİN-in rəsmi saytında Ermənistan prezidentinin hərəkəti məsuliyyətsizlik kimi dəyərləndirilib.

AZADİNFORM. Ermənilər iyulun 26-da saat 10.40-dan 10.45-dək, 20.00-dan 20.10-dək və 21.30-dan 21.40-dək Ermənistanın Berd rayonu Ayqezor və Mosesqerx kəndlərində yerləşən mövqelərdən Tovuz rayonu Muncuqlu, Əlibəyli və Ağdam kəndlərində yerləşən mövqelərimizi, saat 10.45-dən 10.50-dək Gədəbəy rayonu ərazisindəki adsız yüksəkliklərdə yerləşən mövqelərdən, saat 14.40-dan 15.00-dək Goranboy rayonu Tapqaraqoyunlu kəndi yaxınlığında yerləşən mövqelərdən, saat 14.30-dan 14.40-dək Füzuli rayonu Aşağı Seyidəhmədli kəndi yaxınlığında yerləşən mövqelərdən, saat 14.40-dan 14.50-dək Cəbrayıl rayonu ərazisindəki adsız yüksəkliklərdə yerləşən mövqelərdən Azərbaycan Ordusunun üzbəüz mövqelərini avtomat və pulemyotlardan atəşə tutub.

Prezident İlham Əliyev Həsən Sultan oğlu Zeynalova fövqəladə və səlahiyyətli səfir diplomatik rütbəsi verilməsi haqqında sərəncam imzalayıb.

AZADİNFORM. Prezident İlham Əliyev Kamil Məmmədova Azərbaycan Respublikası Prezidentinin fərdi təqaüdünün verilməsi haqqında sərəncam imzalayıb. Sərəncama əsasən,  Kamil Seyid oğlu Məmmədov Azərbaycan Respublikasında iqtisadiyyatın inkişafındakı xidmətlərinə görə Prezidentin fərdi təqaüdünə layiq görülüb.

AZADİNFORM. Norveçin ədliyyə naziri Storberget 76 adamı öldürən Breyvikin həbsi zamanı polisin gördüyü işi fantastik adlandırıb. Nazir bununla da polisin ünvanına səslənən tənqidlərə cavab verib.

AZADİNFORM. Mərakeşdə hərbi təyyarənin qəzaya uğraması nəticəsində 78 nəfər ölüb. Təyyarədəki sərnişinlərin dəqiq sayı açıqlanmır. Hadisə yerinə gələn xilasedicilər cəmi 4-5 nəfəri sağ tapıblar. «Azadinform» «Lenta.ru»ya istinadən xəbər verir ki, C-130 hərbi nəqliyyat təyyarəsi Qulimin şəhəri yaxınlığında dağa çırpılıb.

AZADİNFORM. Pentaqon təsdiq edib ki, Əfqanıstanda Amerikanın nəqliyyat müqavilələrinə ayrılan pulun bir hissəsi «Taliban»a gedib. Müdafiə Nazirliyinin mətbuat katibi Dave Lapan deyib ki, yükdaşıma üçün bağlanan 2 milyard 100 milyon dollarlıq müqavilələrdəki pulun bir hissəsi «Taliban»a gedib çıxıb.

 
Страница 5968 из 6273 << < 5964 5965 5966 5967 5968 5969 5970 5971 5972 > >>
 Лента новостей
25.04.2019
24.04.2019
 Архив
«Апр.2019
Пн.Вт.Ср.Чт.Пт.Сб.Вс.
1234567
891011121314
15161718192021
22232425262728
2930     
 
© 2019 All right reserved www.azadinform.az Powered by Danneo