Mübariz Aslanov/AZADİNFORM. Bu gün Milli Məclisdə bir sıra qanun layihələri təsdiq olunub. “Azadinform” xəbər verir ki, ilk olaraq Balaxanı-Sabunçu-Ramana və Kürdəxanı neft yataqlarının daxil olduğu blokun bərpası, işlənməsi və hasilatın pay bölgüsü haqqında Azərbaycan Respublikası Dövlət Neft Şirkəti, UQE-LANSER. LTD və ARDNŞ-in Ortaq Neft Şirkəti arasında sazişin qəbul və təsdiq edilməsi, həyata keçirilməsinə icazə verilməsi barədə Azərbaycan Respublikası qanununun layihəsi haqqında müzakirə aparılıb.

AZADİNFORM. Gənc Vətənpərvərlər Birliyi (GVB) “Heydər Əliyev  və Azərbaycan gəncliyi” mövzusunda tədbir keçirib. GVB-dən “Azadinform”a verilən məlumata görə, ulu öndər Heydər Əliyevin anadan olmasının 88-ci ildönümünə həsr olunan tədbir Gənclər və İdman  Nazirliyinin maliyə dəstəyi ilə həyata keçirilən “Gənclərin vətənpərvərlik ruhunda  tərbiyə olunması  üçün  fiziki, psixoloji, fizioloji rolunun artırılması istiqamətində kompleks tədbirlərin həyata keçirilməsi” adlı layihə çərçivəsində reallaşıb.

Seymur Əliyev/AZADİNFORM. Gənclər və İdman Nazirliyi və Azərbaycan Hava və Ekstremal İdman Növləri Federasiyasının birgə təşkilatçılığı ilə ümummilli lider Heydər Əliyevin anadan olmasının 88-ci ildönümü ilə əlaqədar sabah Böyük Qafqazın Başdağ silsiləsinin Qızıl Qaya massivində yerləşən “Heydər zirvəsi”nə (3751 metr)  növbəti yürüş başlayacaq. Bu barədə məlumatı “Azadinform”a Hava və Ekstremal İdman Növləri Federasiyasından veriblər.

AZADİNFORM. “Nabukko” qaz kəmərinin tikintisi növbəti dəfə təxirə salındı. Bu dəfə qaz kəmərinin tikintisi 2013-cü ilə təyin olunub. “Nabucco Gas Pipeline International”ın icraçı direktoru Reynhard Mitçek bu «xoş» xəbəri açıqlayarkən bildirib ki,  Mərkəzi Asiya və Yaxın Şərqdəki hasilatın müddətini nəzərə alaraq “Nabukko” konsorsiumu layihənin həyata keçirilmə tarixini dəyişdirib. Qaz kəmərinin tikintisi 2013-cü ildə gözlənilir, həmin boru ilə tədarük isə 2017-ci ildə start götürəcək.

Həbibə/AZADİNFORM. Heydər Əliyev Beynəlxalq Aeroportu-Mərdəkan dairəsi-Bilgəh mövcud avtomobil yolu (19 km) 6 cərgəli olacaq. “Azadinform”un xəbərinə görə, bu barədə məlumat “2011-2013-cü illərdə Bakı şəhəri və onun qəsəbələrinin sosial-iqtisadi inkişafına dair Dövlət Proqramı” çərçivəsində həyata keçiriləcək Tədbirlər Planında əksini tapıb.

Atif Eyvazov/AZADİNFORM. Bu gün Fövqəladə Hallar Nazirliyinin (FHN) əməkdaşları faşizm üzərində qələbənin 66-cı ildönümü ilə bağlı müharibə veteranları ilə görüşüblər.

Bayram Niftəliyev/AZADİNFORM. Bu gün prezident İlham Əliyev Ağcabədi şəhərinin Hüsü Hacıyev küçəsində inşa olunacaq 205 çarpayılıq Mərkəzi Rayon Xəstəxanasının təməlqoyma mərasimində iştirak edib. “Azadinform” xəbər verir ki, dövlət başçısı yeni inşa olunacaq xəstəxananın baş planının və layihələrin əks olunduğu stendə baxıb.

Atif Eyvazov/AZADİNFORM. Prezident yanında Kütləvi İnformasiya Vasitələrinin İnkişafına Dövlət Dəstəyi Fondu (KİV DF) Müşahidə Şurasının növbəti  iclası keçirilib. Bu barədə məlumatı “Azadinform”a KİV DF-dən veriblər.

Atif Eyvazov/AZADİNFORM. Gənclər Təşkilatları Milli Şurasının təşkilatçılığı ilə keçirilən “Vətəni tanı” Ümumrespublika  Kampaniyası davam edir. Şuranın mətbuat xidmətindən “Azadinform”a verilən məlumata görə, kampaniya çərçivəsində növbəti seçim turları Şuşa, Qubadlı, Laçın və Xocavəndin gəncləri arasında keçirilib.

Bayram Niftəliyev/AZADİNFORM. Prezident İlham Əliyev Ağcabədi şəhərində yeni inşa olunan Şahmat Məktəbi binasının açılış mərasimində iştirak edib.

Mübariz Aslanov/AZADİNFORM. Azərbaycan Jurnalist Qadınlar Assosiasiyasının təşkilatçılığı ilə bir qrup jurnalist qadın mayın 9-12-si  tarixlərində Gürcüstanda rəsmi səfərdə olacaq. Bu barədə məlumatı “Azadinform”a Azərbaycan Jurnalist Qadınlar Assosiasiyasından veriblər.

Mübariz Aslanov/AZADİNFORM. Ermənilərin snayper silahları təmas xəttində cəmləməsi ilə bağlı məsələ ATƏT PA-nın prezidenti Petros Eftimiunun mayın 12-13-də Azərbaycana nəzərdə tutlan səfəri zamanı qaldırlacaq. “Azadinform” xəbər verir ki, bu barədə jurnalistlərə açıqlamasında Milli Məclisin vitse-spikeri Bahar Muradova bildirib.

Adəm/AZADİNFORM. Ümummilli lider Heydər Əliyevin doğum günü münasibətilə keçirilən tədbirlər sırasına at yarışları da daxilidir. “Azadinform”un Mədəniyyət və Turizm Nazirliyindən aldığı məlumata görə, bu gündən mayın 10-dək Şəki şəhərindəki Respublika Atçılıq Turizm Mərkəzində ulu öndərin əziz xatirəsinə həsr olunmuş növbəti milli atüstü oyunlar festivalı keçirilir.

Həbibə/AZADİNFORM. “Təkcə ipoteka kreditlərinin verilmə qaydalarının sadələşdirilməsi deyil, gənclərin mənzil təminatı ilə bağlı dövlət proqramının qəbuluna ehtiyac var”. “Azadinform”un məlumatına görə, bunu İqtisadi və Sosial İnkişaf Mərkəzinin rəhbəri Vüqar Bayramov deyib.

Hacı Zeynalov/AZADİNFORM. Bu gün Bakı Ağır Cinayətlər Məhkəməsində idman sağlamlıq kompleksində oğurluq etməkdə təqsirli bilinən Bakı şəhər sakini Röyal Hacıyevə hökm oxunub. “Azadinform” xəbər verir ki, hakim Rasim Sadıqovun sədrliyi ilə keçirilən prosesdə R.Hacıyev 8 il müddətinə azadlıqdan məhrum edilib. 

AZADİNFORM. “Azadlıq” qəzetinin əməkdaşı Seymur Həziyevin naməlum şəxslər tərəfindən fiziki təzyiqə məruz qalması ilə bağlı şikayəti cinayət-prosessual qanunvericiliyə uyğun olaraq Abşeron rayon Prokurorluğuna göndərilib. “Azadinform” xəbər verir ki, bu barədə məlumat Daxili İşlər Nazirliyindən Mətbuat Şurasına daxil olan məktubda bildirilib.

Mübariz Aslanov/AZADİNFORM. “Azərbaycanda heç bir sənəddə hicaba qadağa nəzərdə tutulmayıb”.  “Azadinform” xəbər verir ki, bu barədə jurnalistlərə açıqlamasında Milli Məclisin vitse-spikeri Bahar Muradova bildirib.

Mübariz Aslanov/AZADİNFORM. “Azərbaycan müxalifət düşərgəsində müxtəlif partiyaların, ayrı-ayrı şəxslərin bir araya gəlib müxtəlif qruplar yaratması ənənə halını alıb.

Bayram Niftəliyev/AZADİNFORM. Prezident İlham Əliyev Ağcabədi şəhərinin mərkəzində yerləşən Üzeyir Hacıbəyli adına Qarabağ Muğam Mərkəzi ilə tanış olub. “Azadinform” xəbər verir ki, prezidentinə məlumat verilib ki, 1,7 hektar ərazisi olan parkda yerləşən Qarabağ Muğam Mərkəzi 2008-ci ilin sentyabrında inşa olunub. Ümumi sahəsi 830 kvadratmetr olan mərkəzdə hər biri 155 yerlik qış və yay zalları fəaliyyət göstərir.

Hacı Zeynalov/AZADİNFORM. Bu gün Bakı Ağır Cinayətlər Məhkəməsində valyutadəyişmə məntəqəsinə basqın etməkdə təqsirli bilinən Buzovna qəsəbə sakini Şahmərdan Şükürlüyə hökm oxunub. “Azadinform” xəbər verir ki, hakim Eldar Mikayılovun sədrliyi ilə keçirilən prosesdə Şahmərdan Şükürlü 10 il müddətinə azadlıqdan məhrum edilib.

 
Страница 5930 из 6009 << < 5926 5927 5928 5929 5930 5931 5932 5933 5934 > >>
 Лента новостей
20.07.2018
18.07.2018
 Архив
«Июл.2018
Пн.Вт.Ср.Чт.Пт.Сб.Вс.
      1
2345678
9101112131415
16171819202122
23242526272829
3031     
 
© 2018 All right reserved www.azadinform.az Powered by Danneo