AZADİNFORM. Nazirlər Kabineti bir sıra dövlət müəssisələrinin borclarının tənzimlənməsi barədə qərar qəbul edib. Bu barədə məlumatı “Azadinform”a Nazirlər Kabinetinin mətbuat xidmətindən veriblər.

AZADİNFORM. Əfqanıstandakı NATO rəsmiləri cümə günü ABŞ-a məxsus hərbi vertolyotu salaraq, 38 nəfərin ölümünə səbəb olan “Taliban” yaraqlılarının öldürüldüyünü açıqlayıb.


AZADİNFORM. Avqustun 23-24-də ATƏT-in Bakı ofisinin təşəbbüsü ilə alternativ hesabatın hazırlanmasına dair seminar keçiriləcək. ATƏT-in Bakı ofisindən “Azadinform”a verilən məlumata görə, seminarda vətəndaş cəmiyyətinin nümayəndələri, beynəlxalq ekspertlər və KİV təmsilçiləri iştirak edəcəklər.

AZADİNFORM. Əsəd-Davudoğlu görüşünün nəticələri ictimaiyyətə açıqlanmasa da, Türkiyənin Suriyaya iki həftə vaxt verdiyi bildirilir. “Azadinform” “The Times”a istinadən xəbər verir ki, Davudoğlu qırğınlar durdurulmadığı təqdirdə ölkə maraqlarını qorumaq naminə hərbi müdaxiləyə əl atılacağını deyib.

AZADİNFORM. Ermənilər avqustun 10-da saat 10.02-dən 10.07-dək Xocavənd rayonu ərazisindəki adsız yüksəkliklərdə yerləşən mövqelərdən, saat 10.00-dan 10.15-dək Goranboy rayonu Tapqaraqoyunlu kəndi yaxınlığında yerlələş mövqelərdən, saat 13.50-dən 14.00-dək və 14.05-dən 14.10-dək Ağdam rayonu Sarıcalı və Şüraabad kəndləri yaxınlığında yerlələş mövqelərdən, saat 13.10-dan 13.35-dək Daşkəsən rayonu ərazisindəki adsız yüksəkliklərdə yerləşən mövqelərdən, avqustun 11-da saat 03.55-dən 04.05-dək Füzuli rayonu Horadiz və Aşağı Əbdülrəhmanlı kəndləri yaxınlığında yerlələş mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.

AZADİNFORM. Prezident İlham Əliyev avqustun 10-da Dominika Birliyinin baş naziri Ruzvelt Skerritin başçılıq etdiyi nümayəndə heyətini qəbul edib. Görüşdə qarşılıqlı əlaqələrin genişləndirilməsində ölkələrimizin maraqlı olduğu qeyd edilib, siyasi, iqtisadi və digər sahələrdə münasibətlərin perspektivləri ilə bağlı fikir mübadiləsi aparılıb.

AZADİNFORM. ABŞ Mərkəzi Bankı Sahibkarlığın İnkişafı Fondunun kredit faizlərini iki il ərzində artırmamağı qərara alıb. “Azadinform” BBC-yə istinadən xəbər verir ki, bu qərarın ardından Nyu-York birjası son iki ildə ən yüksək dəyər artımı yaşayıb. Müsbət maliyyə atmosferi Asiya birjalarına da təsir edib. Belə ki, Tokio birjası Nikkei indeksi üzrə 1%, Honq-Konq birjası isə Hanq Senq indeksi üzrə 2,7% dəyər qazanıb. Avropa birjaları da günün sonunda artım qeydə alsalar da, mütəxəssislər vəziyyətin dəyişə biləcəyini istisna etmirlər.

Adəm Abbaslı/AZADİNFORM. “Azərbaycanda sosial şəbəkə istifadəçilərinin “Eurovision-2012” mahnı yarışmasına bilet ala bilmələri üçün yaxın vaxtlarda Bakı şəhərinin bütün mədəni obyektlərinin kassalarının iticket.az elektron ticarət sisteminə qoşması planlaşdırılır”. “Azadinform”un məlumatına görə, bu fikirləri jurnalistlərə açıqlamasında "CAT Brain Entertainment" şirkətinin direktoru Qüdrət Əliyev deyib.

Atif Eyvazov/AZADİNFORM. Bu gün Bakı Dövlət Universitetinin (BDU) rektoru, akademik Abel Məhərrəmov ABŞ-ın Azərbaycandakı səfirliyinin mətbuat müşaviri Kis Bin, səfirliyin təhsil və mədəniyyət işləri üzrə müşaviri Kris Consu qəbul edib. BDU-nun Mətbuat və informasiya şöbəsindən “Azadinform”a verilən məlumata görə, görüşdə ABŞ Dövlət Departamentinin Təhsil və Mədəniyyət İşləri üzrə Bürosunun (UQRAD)  və digər təhsil mübadilə proqramları ətrafında fikir mübadiləsi aparılıb.

AZADİNFORM. Pakistan rəsmiləri ölkənin şimal-qərbində ABŞ-a aid pilotsuz idarə olunan təyyarələrlə həyata keçirilən bombardmanda 21 nəfərin öldüyünü bildirib. “Azadinform” BBC-yə istinadən xəbər verir ki, rəsmilər ölənlər arasında “Taliban” yaraqlıları ilə yanaşı, xarici ölkə vətəndaşlarının olduğunu da açıqlayıb.

Mübariz Aslanov/AZADİNFORM. Ali təhsil müəssisələrinin boş qalan plan yerlərinə və tam orta təhsil bazasında (11 illik) orta ixtisas təhsili müəssisələrinə qəbulun nəticələri elan olunub. Bu barədə məlumatı “Azadinform”a Tələbə Qəbulu üzrə Dövlət Komissiyasının (TQDK) mətbuat xidmətindən veriblər.

AZADİNFORM. Cari ilin iyul ayı ərzində 2 milyon 742 min 716 ton Azərbaycan nefti Ceyhan limanından dünya bazarlarına çıxarılıb. Bu həcmin 2 milyon 217 min 15 tonunu Azərbaycan Respublikası Dövlət Neft Fondunun nefti təşkil edib.

AZADİNFORM. 2011-ci ilin iyul ayı ərzində BTC əsas ixrac boru kəməri vasitəsilə 2 milyon 856 min 326 ton Azərbaycan nefti nəql olunub.

Mübariz Aslanov/AZADİNFORM. Naxçıvan Muxtar Respublikasında mobil rabitənin nüfuz səviyyəsi 101 faizə çatıb. Muxtar Respublika üzrə mobil rabitənin aktiv nömrələrinin sayı avqustun 1-nə olan vəziyyətə görə 418 min 480 ədəd təşkil edib. Bu barədə məlumatı “Azadinform”a Rabitə və İnformasiya Texnologiyaları Nazirliyinin mətbuat xidmətindən veriblər.

Adəm Abbaslı/AZADİNFORM. Cari ilin sentyabr ayında Bakıda İran mədəniyyəti həftəsi keçiriləcək. Mədəniyyət və Turizm nazirliyindən “Azadinform”a verilən xəbərə görə, İranın Azərbaycandakı səfirliyi bu istəklə müraciət edib. Hazırda “İran Mədəniyyəti Həftəsi”nin planı tutulur və hazırlıq işləri görülür. 

AZADİNFORM. “Azərsu” ASC Siyəzən şəhərində əhalinin içməli su təchizatının yaxşılaşdırılması məqsədilə yenidənqurma işlərinə başlayıb. Bu barədə məlumatı “Azadinform”a ASC-dən veriblər.

Adəm Abbaslı/AZADİNFORM. Karyerasına son qoyan növbəti məşhur fransız kinoaktrisası “Ameli” kimi tanınan Odri Tatu olub.

AZADİNFORM. İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin məcburi göstərişinin icrası ilə əlaqədar, Bakıda insan orqanizmi üçün təhlükəli 210 kq keyfiyyətsiz dondurma Dövlət Xidmətinin əməkdaşlarının iştirakı ilə qanunvericilikdə müəyyən olunmuş qaydada məhv edilib. Bu barədə məlumatı “Azadinform”a nazirliyin mətbuat xidmətindən veriblər.

AZADİNFORM. Azərbaycanda rəsmi səfərdə olan Dominika Birliyinin baş naziri Ruzvelt Skerrit baş nazir Artur Rasizadə ilə görüşüb. “Azadinform” xəbər verir ki, Bakıya səfərinin qarşılıqlı münasibətlərin inkişafına təkan verəcəyinə əminliyini söyləyən Ruzvelt Skerrit iki dövlət arasında münasibətlərin inkişafı üçün böyük potensialın mövcud olduğunu bildirib.

Atif Eyvazov/AZADİNFORM. “Qonşu dövlətlərin dərsliklərinin Azərbaycanda araşdırılmasına ehtiyac var. Bu dərsliklərin Azərbaycanın mənafeyinə uyğun olub-omadığı incələnməlidir”. 

 
Страница 5752 из 6093 << < 5748 5749 5750 5751 5752 5753 5754 5755 5756 > >>
 Лента новостей
19.10.2018
 Архив
«Окт.2018
Пн.Вт.Ср.Чт.Пт.Сб.Вс.
1234567
891011121314
15161718192021
22232425262728
293031    
 
© 2018 All right reserved www.azadinform.az Powered by Danneo