Azərbaycanda istehlakçı hüquqlarının qorunmasından Çində danışılacaq

Atif Eyvazov/AZADİNFORM. Martın 2-5-i tarixlərində Beynəlxalq İstehlakçı Təşkilatının təşkilatçılığı ilə Çinin Honkonq şəhərində istehlakçı hüquqlarının qorunmasına həsr olunan XIX Dünya Konqresi keçiriləcək.

Tədbirdə ölkəmizi Azad İstehlakçılar Birliyinin (AİB) sədri Eyyub Hüseynov təmsil edəcək. Bu barədə “Azadinform”a müsahibəsində AİB sədri Eyyub Huseynov məlumat verib.
Dünyanın 154 ölkəsini təmsil edən nümayəndənin qatılacağı konqresin 3 ildən bir keçirildiyini diqqətə çatdıran E.Hüseynov bildirib ki, tədbirdə dünyada istehlakçı hüquqlarının qorunması siyasəti təhlil edilir, perspektivlər müəyyən olunur. O, konqresdə “Azərbaycanda istehlakçı hüquqlarının qorunmasının vəziyyəti” mövzusunda məruzə ilə çıxış edəcəyini söyləyib. Bildirib ki, çıxışında istehlakçı hüquqlarının qorunması ilə bağlı ölkəmizin əldə etdiyi uğurlar və bu istiqamətdə müvafiq dövlət qurumlarının atdığı addımlardan bəhs edəcək.